Është miratuar në Kuvendin e Kosovës Ligji për të drejtat dhe përgjegjësitë e deputetëve i cili përcakton se deputeti pas përfundimit të mandatit, ka të drejtë për pension suplementar, nëse detyrën e deputetit në një mandat e ka ushtruar më gjatë se sa gjysma e kohëzgjatjes së mandatit të përcaktuar me ligj dhe e ka mbushur moshën 50 vjeçare.

Në një prej pikave të këtij ligji thuhet se deputeti që i plotëson kushtet e caktuara realizon pensionin suplementar në lartësi prej 50% të pagës bazë të deputetit.

Deputeti që ka shërbyer në dy mandate realizon pensionin suplementar në vlerë prej 60% të pagës bazë dhe ai që ka shërbyer në tri e më shumë mandate në lartësi prej 70% të pagës bazë.


Ndryshe dihet që paga e një deputeti është mbi 1400 euro, që llogaritet të jetë paga më e lartë krahasuar me rajonin. Ligji ka shkuar në zyrën e presidentit të Kosovës, Fatmir Sejdiu, për t’u nënshkruar, ndërsa shoqëria civile i ka kërkuar presidentit që të mos e nënshkruajë këtë ligj.


 

< Paraprake		Pasuese >