Shtetet e Bashkuara të Amerikës nuk presin që Serbia ta njohë Kosovën.

Një gjë të tillë e ka bërë të ditur ambasadorja amerikane në Beograd, Meri Uorlik, në një intervistë për të përditshmen “Vecernje Novosti”.

Ajo thotë se shteti i saj do që Serbia të bashkëpunojë në mënyrë konstruktive me Prishtinën, SHBA-në, BE-në dhe aktorët tjerë kryesorë ndërkombëtarë dhe të kërkojnë zgjidhje pragmatike të cilat do të përmirësojnë jetën e serbëve dhe shqiptarëve.

Uorlik tha se vendi i saj nuk e mbështetë idenë për ndarjen e Kosovës e as që e konsiderojnë atë të jetë një zgjidhje reale.

Sipas saj, kjo do të rrënonte stabilitetin në rajon. Secilën ditë që Serbia e kalon duke folur për rimëkëmbjen e negociatave për status ose ndarje të Kosovës është një ditë e humbur në rrugën drejt integrimeve evropiane.

< Paraprake		Pasuese >