Kushtetuta e Kosovës nuk lë hapësirë për paqartësi lidhur me mbajtjen e simboleve fetare nëpër institucione arsimore e publike, sepse, siç thuhet, vë në pah laicitetin e sistemit shtetëror të vendit, kushdo që mendon ndryshe të ankohet në Gjykatë Kushtetuese.
Kështu është shprehur ministri i Arsimit, Shkencës dhe Teknologjisë, Enver Hoxhaj në një intervistë për radion Evropa e lirë, lidhur me bartjen e shamisë në shkolla.

Në muajin maj të këtij viti, Ministria e Arsimit ka nxjerrë një Udhëzim administrativ, me të cilin nxënësve të shkollave të mesme dhe të larta u ndalohet bartja e uniformës fetare në objektet e institucioneve arsimore.

Udhëzimi ka nxitur pakënaqësi në radhët e përkrahësve të idesë për mbajtjen e shamive nëpër institucione publike, ndërsa çështja është riaktualizuar javën e kaluar, me protestën e organizuar kundër një rregulloreje të Kuvendit Komunal të Prishtinës, me të cilën nxënësve u ndalohet “bartja e uniformave fetare në ambientet e shkollës”.

< Paraprake		Pasuese >