Parlamenti po del më i mirë se Këshilli i Evropës.

Të dyja miratuan nga një rezolutë për Kosovën.

Komiteti për politikë të jashtme i Parlamentit Evropian e bëri një gjë të tillë në të mirë të shtetit të ri.

Rezoluta e Këshillit foli për Kosovën si territor që administrohet nga rezoluta 1244.

Në dokumentin e parlamentarëve thuhet që Serbia duhet “të veprojë në mënyrë pragmatike ndaj statusit të Kosovës”.

Megjithatë, ky organizëm i BE-së, e kupton se “pranimi i Kosovës, tash për tash, nuk është mundësi e pranuar politike për udhëheqjen në Beograd”.

Rezoluta e votuar të merkurën, nga Komiteti për politikë të jashtme i Parlamentit Evropian, ishte prezantuar vetëm një ditë me parë nga raportuesja për Kosovën e këtij parlamenti, Ulrike Lunaçek.

Ky komitet, për herë të parë miratoi amendamentin, në të cilin thuhet se “do ta kishte përshëndetur njohjen e pavarësisë së Kosovës nga të gjitha vendet e Bashkimit Evropian”.

Këtë amendament, që u miratua me 31 vota për dhe 27 kundër, e propozoi deputetja nga Belgjika, Anemi Nejts-Ejtebruk.

Është miratuar edhe plotësimi i rezolutës, ku thuhet se “merret në dijeni se shumica e fqinjëve e kanë pranuar Kosovën”.

Deputetja austriake dhe nismëtarja e kësaj rezolute, Ulrike Lunaçek, këtë e cilësoi, në masë të caktuar, si njohje të pavarësisë së Kosovës në Parlamentin Evropian.
 

< Paraprake		Pasuese >