Në Turqi janë duke u mbajtur dy samite, ku janë të ftuar presidentët dhe kryeministrat e Evropës Juglindore.

Nga Stambolli, presidenti serb Boris Tadiq, ka porosit se nuk do të njeh pavarësinë e Kosovës, dhe se për këtë pyetje populli serb është njëzëri.

Komenti i kreut të shtetit serb u bë sot në takimin e krerëve të shteteve të Evropës Juglindore.

Mes tjerash, ai ka thënë se BE-ja duhet t’i pranojë në gjirin e saj të gjitha vendet e rajonit, dhe t’u ndihmojë atyre sinqerisht që ta arrijnë këtë qëllim.

Përveç Tadiqit, në këtë samit po marrin pjesën edhe kryetarët ose kryeministrat e 10 vendeve të rajonit, por atje mungojnë vetëm udhëheqësit e Kosovës.

Nuk janë të pranishëm as presidenti Sejdiu e as kryeministri Thaçi.

Pala kosovare ndërkaq po përfaqësohet si UNMIK/Kosovo, dhe ka kërkuar që kjo gjë të ndërrohet. Kjo kërkesë duket se ka hasur në mirëkuptimin e Turqisë, si kryesuese e radhës e këtij këshilli.

Deklarata finale e samitit, thotë se në samit duhet të përfshihet edhe Kosova dhe të pranohet si palë e barabartë e rajonit.  

< Paraprake		Pasuese >