Në Turqi janë duke u mbajtur dy samite, ku janë të ftuar presidentët dhe kryeministrat e Evropës Juglindore. Mirëpo, në asnjërin nuk po marrin pjesë presidenti kosovar Fatmir Sejdiu, apo kryeministri Hashim Thaçi.

Një gjë të tillë për Klan Kosovën e konfirmoi zëdhënësi i presidencës Xhavit Beqiri, ndërkaq në Qeveri nuk kanë qenë të informuar për mbajtjen e këtyre samiteve, e ku po merr pjesë edhe presidenti i Shqipërisë, Bamir Topi, ndërsa nga nesër atje do të jetë edhe homologu i tij serb, Boris Tadiq.

Ndërkohë, po në Turqi, Kosova është duke marrë pjesë në një ngjarje krejt tjetër, në mbledhjen vjetore të këshillit për bashkëpunim rajonal, ku Prishtina, po përfaqësohet nga koordinatori i qeverisë për këto çështje, Lirak Çelaj.

Ai tha se, përfaqësimi si UNMIK/Kosovo duhet të ndërrohet në të gjitha iniciativat, pasi nuk i përket realitetit në terren.
 

< Paraprake		Pasuese >