Elheme Latifaj, gruaja që konsiderohej e zhdukur nga familja e saj në Kllodernicë të Skenderajt, është gjetur e gjallë dhe shëndoshë e mirë, në Prizren, të martën.

Ajo u mor nga policia, teksa po punonte në një objekt hotelier e zbavitës, në këtë qytet. Klan Kosova ishte e pranishme në momentet kur u zhvillua ky aksion.

Aktualisht është nën kujdesin e organeve të rendit.
Nga zhdukja e saj më 14 janar, Elhemja është konsideruar e vdekur nga familja e babait, që pati menduar se bija e tyre është vrarë nga burri, Agon Nikaj, nga Gllanasella e Drenasit.

Si pasojë e kësaj, vëllau i saj, Agroni, pati vrarë dhëndrrin, katër ditë pas zhdukjes, duke e konsideruar atë si fajtor.

Ditë më parë, dorasi është ekstraduar nga Hungaria në Kosovë. Klan Kosova pati raportuar e para për këtë ngjarje dhe rrjedhën e saj në vazhdimësi. 

< Paraprake		Pasuese >