18 mijë studentë, do të regjistrohen sivjet në Universitetin e Prishtinës, katër mijë më shumë se vitin e kaluar.

Mujë Rugova, rektor i UP-së, tha se ky numër nuk është i madh, krahasuar me hapësirat që ka universiteti.

Sipas tij, pranimi i këtij numri të studentëve, nuk do të ndikoj as në cilësinë e mësimit.

Mirëpo, veç numrit, ende në rektorat ende nuk e din se kur do të shpallet konkursi për pranimin e studentëve të rinj.

E në agjencinë e akreditimit, thonë se vendimi, fakulteteve, do t’u dorëzohet shumë shpejt. Procedurat teknike, kanë përfunduar edhe me testet e maturës. Koha e ankesave mori fund, të martën.

Ndryshe Klan Kosova, mëson se pothuajse të gjitha drejtimet e fakultetit Filologjik, si dhe fakulteti i edukimit, nuk i kanë punët hiq mirë.

Edukimi, gjermanishtja, turqishtja e anglishtja rrezikojnë të mos akreditohen fare, ose të akreditohen me kusht.
 

< Paraprake		Pasuese >