Ministri i ri britanik për Evropë, Dejvid Lidington, do ta filloj nesër vizitën e tij të parë zyrtare në Kosovë.

Gjatë qëndrimit dyditësh, ai do të pritet nga përfaqësuesit më të lartë shtetëror, presidenti Fatmir Sejdiu e kryeministri Hashim Thaci, ndërkohë që do të fillojë një projekt për të ndihmuar kthimin serbëve kosovarë në shtëpitë e tyre në Prizren.

Projekti bashk-financohet nga ambasada britanike dhe qeveria e Kosovës.

Sipas një kumtese të ambasadës britanike në Prishtinës, realizimi i kësaj vizite vetëm pak javë pas formimit të qeverisë në Londër, demonstron rëndësinë që i kushton Mbretëria e Bashkuar Ballkanit Perëndimor, e Kosovës në veçanti.
 

< Paraprake		Pasuese >