Shefi i Zyrës Ndërkombëtare në Kosovë Piter Faith, ka raportuar para Komitetit për Politikë të Jashtme të Parlamentit të Evropës.

Ai tha se edhe Prishtina edhe Beogradi duhet ta kapin momentin që pas vendimit të GJND-së të fillojnë bisedimet për çështje teknike.

Duke iu referuar situatës në veriun e Kosovës, Feith tha se ajo është e paqëndrueshme dhe e karakterizuar nga stagnimi ekonomik dhe një administratë e korruptuar.

Shefi i ICO vlerësoi se vetëm një përparim i vërtetë në luftën kundër korrupsionit do ta transformojnë imazhin e Kosovës.

Sipas tij korrupsioni, edhe në nivel të lartë, është zmbrapsur me hapat e fundit të ndërmarrë nga EULEX-i. Faith tha se Kosova është një sfidë evropiane, por gjithashtu edhe një sukses i mundshëm evropian.

Po ashtu, Faith tha se zhvillimi ekonomik i Kosovës vazhdon të mbetet i zbehtë dhe kërkoi reforma të thella.
Disa prej deputetëve të këtij komiteti kërkuan nga vendet e BE-së që nuk e kanë njohur Kosovën, ta bëjnë atë.

< Paraprake		Pasuese >