Negociatat për statusin e Kosovës mund të fillojnë në shtator, menjëherë pas shpalljes së vendimit nga Gjykata Ndërkombëtare e Drejtësisë në Hagë më 22 korrik.

Këtë e pohojnë burime të gazetës beogradase “Blic” me argumentin se askush nuk dëshiron një konflikt të ngrirë para se Serbia të anëtarësohet në BE. Sonja Liht, kryetare e Këshillit të Politikës së Jashtme në Ministrin e Jashtme serbe thotë se pas shprehjes së mendimit të GJND së mbi pavarësinë e Kosovës, nuk pritet "ndonjë lëvizje radikale as në favor të Prishtinës e as në favor të Beogradit".

Por sipas saj, pritet që "dëshirat e Beogradit dhe Prishtinës të shqyrtohen në mënyrë gjithëpërfshirëse" dhe që të bëhen përpjekje që të arrihet një kompromis. Në anën tjetër pala shqiptare dhe një pjesë e madhe e bashkësisë ndërkombëtare kanë hedhur poshtë mundësinë e bisedimeve të reja për statusin e Kosovës.
 

< Paraprake		Pasuese >