Punëtorët e KEK-ut nuk janë duke u lënë të qetë për të kryer detyrat e tyre. Të mërkurën, punëtorit Xhevat Shterbani i është këputur ligamenti i gjurit, kur ai po shkyçte një konsumator në Lugishtë të Prizrenit.

A.N. i kishte borxh korporatës dy mijë euro, por kur erdhën punëtorët për t’ia hequr furnizimin me rrymë, ai kishte kapur elektromonterin për kambalacën e montuar në shtyllë, derisa punëtori po kryente shkyçjen, me ç’rast nga forca e tërheqjes së konsumatorit i është lënduar rëndë këmba.

Për tu përkeqësuar situata, një i afërm i konsumatorit, sulmoi me tërfurk punëtorin tjetër të KEK-ut, duke e shpuar në kraharor, por fatmirësisht ai shpëtoi pa lëndime të rënda.
Policia ka dalë në vendin e ngjarjes dhe ka arrestuar të dy sulmuesit.

< Paraprake		Pasuese >