Kreu i Degës së Lidhjes Demokratike të Kosovës në Gjilan, Lutfi Haziri, ka kritikuar të shtunën pozitën e Komunës, e cila përfaqësohet nga PDK, për siç tha, abuzimin me pronën publike, dhënien e hapësirave publike për shfrytëzim për restorante e kafiteri pa procedura ligjore, pa shpallje publike dhe pa konkurrencë.

I pari i LDK-së në Gjilan ka përmendur një rast kur sipas tij, fatkeqësisht janë detyruar edhe qytetarët e Zhegrës të reagojnë, për të mos lejuar vendosjen e një lokali veror në sheshin “Agim Ramadani”.

Ndëkohë dega e LDK-së ka shpallur zgjedhjet partiake, të cilat synojnë rikthimin e partisë në vendin që e kishte para vitit 2007.

Nënkryetari i degës së Gjilanit, Haziri ka lënë të kuptohet se ai synon të rimbajë pozitën e kryetarit të Degës së LDK-së në Gjiilan. 

< Paraprake		Pasuese >