Ndihmëssekretari i shtetit David Johson ka thënë sot se stabiliteti i shtetit më të ri në botë është me shumë interes për Washingtonin.

“Shtetet e Bashkuara janë të përkushtuara për prosperitetin dhe paqen e Kosovës së pavarur, si një shtet që do të jetë shtëpi e të gjitha komuniteteve dhe i cili do të jetojë në paqe me të gjitha vendet fqinje” tha Johnson.

Ai nuk deshi të flasë për hetimet e EULEX-it. Por, tha se nuk mund të ketë destabilizim nëse ka institucione të qëndrueshme.

David Johnson shtoi: “Prokuroria nuk mund ta destabilizojë qeverinë. Por, mungesa e veprimeve të prokurorisë mund të sjellë destabilizim të qeverisjes.
Organet e rendit dhe ligjit është me rëndësi që t’i marrin përsipër obligimet dhe përgjegjësitë në mënyrë që luftojnë korrupsionin shumë seriozisht”.

Mysafiri premtoi ndihmë në ngritjen kapaciteteve në fushën ë sundimit të ligjit dhe luftës kundër krimit e korrupsionit.

E bashkëpunim në këtë fushë garantoi zv/kryeministri i Kosovës. “Qeveria e Kosovës ka prezantuar garancitë e plota për reforma në fushën e rendit dhe ligjit, në fushën e gjyqësisë në ndërtimin e infrastrukturës ligjore po ashtu duke përfshirë edhe procesin e riemërimit të gjyqtarëve dhe prokurorëve duke i dhënë mbështetje që ky proces të përfundoj sa më shpejtë mundësisht brenda këtij viti”, siguroi Kuçi.

David Johson takoi edhe ministrin e brendshëm, Bajram Rexhepi, dhe atë të Drejtësisë, Haki Demolli.



 

< Paraprake		Pasuese >