Ish-kryetari i LDD-së për Ferizaj Adem Salihaj sëbashku me të gjithë kryesinë e partisë me 40 nëndegët e saj, ka kaluar në degën e LDK-së të po kësaj komune.

Lajmin e konfirmoi për Klan Kosova Salihaj i cili tha se arsyeja e lëvizjes është mospërshtatja me konceptet e Nexhat Dacit dhe mosrespektimi i marrëveshjes që nga krijimi i LDD-së.

Salihaj tha se vendimi është marrë të premten me 16 vota pro dhe dy kundër duke shtuar se ky bashkim ka për synim që LDK të fitojë në zgjedhjet e ardhshme duke udhëhequr në komunën e Ferizajt.

Kryetari i degës së LDK-së në Ferizaj Faik Grainca, ka thënë se deri në zgjedhjet partiake do të veprojnë të dy kryesitë, me katër kryesues, deri në shtator, në zgjedhjet partiake, ka shtuar Grainca.

Edhe antari i kryesisë qëndrore të LDK-së dhe kryetari i grupit parlamentar të LDK-së në Kuvend të Kosovës, Ismet Beqiri, përshëndeti vendimin duke thënë se kalimi i LDD-së në LDK, dëshmon se ata janë kthyer atje ku kanë qenë për shumë vite.

 

< Paraprake		Pasuese >