Sot shënohet 11 vjetori i çlirimit të Prishtinës. Komuna e kryeqytetit ka organizuar aktivitete të ndryshme si edhe një akademi solemne ku janë ftuar të marrin pjesë personalitete të shumta vendore e ndërkombëtare.

Në të do të flaë kryetari I Prishtinës Isa Mustafa ku do të theksojë për të arriturat dhe sfidat e Prishtinës gjatë periudhës dhjetëvjeçare të pasluftës. Akademia mbahet në objektin e ri të komunës, në lagjen “Arbëria”.


Aktivitet për shënimin e kësaj dite kanë filluar të enjten dhe do të zgjasin tri ditë, deri të shtunën, më 12 qershor. Në aktivitetet e tjera pritet që pasdite në Teatrin “Dodona” do të shfaqet një pjesë teatrore e teatrit të të rinjve të qytetit, ndërsa në mbrëmje në Bulevardin “Nëna Terezë” shfaqet një koncert me pjesëmarrje të grupeve të ndryshme artistike të Prishtinës dhe anëtarëve të Estradës së Kosovës.

< Paraprake		Pasuese >