Ish i dërguari i BE-së për Kosovën, ambasadori Wolfgang Petrich, ka thënë se Kosova ka nevojë për një qeveri të pastër dhe për politikanë që besojnë në rend dhe ligj.

Sipas tij, kjo do të bënte që BE-ja dhe EULEX-i të ndihmojnë më shumë. Petrich, në një intervistë me BBC-në, u bëri thirrje institucioneve të Kosovës që të luftojnë korrupsionin brenda vetes dhe gjithashtu elitës politike në Kosovë që të marrë barrën e luftës ndaj kësaj dukurie.

Ai tha se sa më pozitiv që të jetë imazhi i vendit aq më shumë rriten gjasat që ai të njihet ndërkombëtarisht në botë. Duke folur për bisedimet mes Prishtinës dhe Beogradit, ambasadori Petrich tha se të dyja palët duhet të lëvizin për të gjetur një zgjidhje.

Sipas tij të dyja palët duhet të gjejnë një kompromis dhe atë t’ia propozojnë BE-së nëse duan t’i bashkohen asaj.
 

< Paraprake		Pasuese >