Koordinatori për strategjinë e veriut Ylber Hysa ka qëndruar në një vizitë disaditëshe në Suedi, ku ka marrë pjesë në samitin tradicional ndërkombëtar, që organizohet nga Tallberg Foundation, me pjesëmarrës nga 130 vende të botës.

Kosovari i parë i cili mori pjesë në këtë samit pati takime me ish-presidentin e Irlandës Marry Robinson, me ministren e Sida-s Gunila Carlson dhe me shumë pjesëmarrës nga bota e biznesit dhe shoqërisë civile.

Ndërsa në Stokholm,i shoqëruar nga ambasadori Kosovar Lulzim Peci, koordinatori për veriun pati një varg takimesh me përfaqësues të disa ministrive Suedeze,sikurse Lars Schmidt drejtori për Evropën Juglindore të Suedisë dhe Brigita Ekelund zv.Drejtore për cështje të BE-së në ministrinë e drejtësisë.

Hysa i njoftoi ata me zhvillimet e fundit rreth verit të Kosovës dhe apeloi që të ketë përkrahje dhe qasje më gjithëpërfshirëse nga kontinenti më i vjetër me një ofertë integruese për veriun dhe prespektivë Evropiane për rajonin



 

< Paraprake		Pasuese >