Gjatë qëndrimit të tij në Prishtinë, asistenti i sekretares amerikane të shtetit Hillary Clinton, pritet të japë një porosi kyçe në luftë kundër korrupsionit, në të gjitha nivelet.

Zyrtari i lartë amerikan, i ngarkuar në Byronë Ndërkombëtare të Narkotikëve dhe Çështjeve të Zbatimit të Ligjit, do të qëndrojë në Prishtinë për dy ditë, si stacion i fundit pas vizitës në Sofie e Bruksel.

Siç mësohet, ardhja e tij ndërlidhet me përforcimin e përkushtimit të Shteteve të Bashkuara të Amerikës për të asistuar qeverinë e Kosovës, në mbështetje të sundimit të ligjit.

Po ashtu me vete, ai pritet të bartë edhe porosinë e administratës amerikane për të bashkëpunuar ngushtë në sundimin e ligjit. Byroja për të cilën është ngarkuar David Johnson, menaxhon bashkëpunimin e ngushtë të departamentit të Drejtësisë, atë të Sigurisë kombëtare amerikane dhe një varg agjencishë të tjera.
 

< Paraprake		Pasuese >