Pa zhurmë, me mesazhe telefonike, nxënësit provuan të vjedhin përgjigjet e testit të maturës. Por, u zunë nga vëzhguesit e Ministrisë së Arsimit.

Në një mesazh të fotografuar me një telefon tjetër, shihen 20 përgjigje për detyrat e matematikës, që dyshohet se janë dërguar mes shokësh, brenda të së njëjtës klasë.

E këto ishin vetëm disa nga parregullësit e procesit të provimit. Ndërkohë, zyrtarët e ministrisë së arsimit, thonë se pika më e dobët e gjithë këtij testi mbesin administruesit. Por, ndaj mësuesve të papërgjegjshëm premtohen masa.

Sidoqoftë, testet e të gjithë maturantëve, tashmë janë grumbulluar në një dhomë. Aty po bëhet klasifikimi i materialit, për të arritur deri te rezultatet përfundimtare, që pritet të shpallen më 15 qershor.

E një dhomë me testet e nxënësve, po ruahet nga policia. Kjo forcë po përkujdeset që të mos lejojë as hyrjen e nxënësve, që bashkë me prindërit e tyre, tashmë kanë nisur të ankohen.

Ndryshe, provimi shtetëror i maturës u mbajt më 5 qershor. Ndërsa për të kaluar provimin, maturantët duhet të arrijnë 50 nga 100 pikët.
 

< Paraprake		Pasuese >