Ish-shefi i misionit vëzhgues të OSBE-së në Kosovë, ambasadori William Walker, në një intervistë dhënë gazetës “Zëri” është shprehur i pakënaqur me zhvillimet në Kosovë pas luftës.

Për këtë gjë ai fajëson si ndërkombëtarët ashtu edhe vendorët. Walker po ashtu ka thënë se ka mundur të arsyetohej cdo gjë gjatë administrimit të UNMIK-ut,si dhe periudha e pas pavarësisë ka pasur mundësi të shumëfishta, sidomos në aspektin e zhvillimit ekonomik.

I pyetur nëse kosovarët kanë pasur potencial për të zgjidhur vetë problemin e Mitrovicës, Walker thotë se po të mos ishin disa vendime që janë ndërrmarrë, problemi nuk do të ekzistonte.

Ish-shefi i misionit vëzhgues të OSBE-së në Kosovë shpreson që institucionet e BE-së do të paraqesin standarde të njëjta si për Kosovën ashtu edhe për Serbinë.

Ai gjithashtu ka shtuar se do të ishte e turpshme për Evropën ta integronte Serbinë, derisa sipas tij, ajo nuk e lë rehat Kosovën.
 

< Paraprake		Pasuese >