Zyrtarë të institucioneve të Kosovës dhe zyrës Civile Ndërkombëtare, thonë se do të vazhdojnë përpjekjet për krijimin e komunës së veriut të Mitrovicës, në bazë të planit të Martti Ahtisaarit, mirëpo nuk kanë asnjë datë se kur mund të priten zgjedhjet në atë pjesë.

Zëdhënësi i zyrës civile ndërkombëtare, Endy Mek Gafi i tha Dojçe Velles se në këtë fazë ky mision është përqendruar në mbështetjen e një procesi të tërë, i cili krijon kushtet e nevojshme për të vazhduar me decentralizimin në bazë të planit të Martti Ahtisarit.

Ndërkaq zyrtarë të Ministrisë së Pushtetit Lokal pranojnë, se ka vonesa në krijimin e komunës së veriut të Mitrovicës, pasi sipas tyre, në veri të Mitrovicës është një situatë pak më ndryshe në raport me pjesët tjera ku serbët janë shumicë.

 

< Paraprake		Pasuese >