Partia Demokratike e Kosovës ka reaguar ndaj raportit të Komitetit Kombëtar të Politikës së Jashtme Amerikane, të publikuar në maj të këtij viti.

Gazeta Express shkruan se kjo e ka shtyrë Sekretarin e Përgjithshëm të PDK-në Jakup Krasniqin, t’i dërgojë një letër autorit të raportit, David Philips, si dhe të gjithë anëtarëve të Bordit të Komitetit Kombëtar të Politikës së Jashtme Amerikane.

“Raporti juaj i fundit mendoj se ka qenë informativ dhe i dobishëm për Kosovën. Megjithëkëtë, më duhet të sqarojë një pikë të raportit. Ju thoni se: SHIK-u është strukturë e inteligjencës nëntokësore e PDK-së dhe brenda vitit thuhet se merr 200 milionë dollarë nëpërmjet ryshfetit, zhvatjes, reketit dhe shërbimeve të mbrojtjes, duke cituar një burim të vetëm anonim në New York”, thuhet në fillim të letrës së Krasniqit, të cilën e ka siguruar Expressi.

“Nuk pajtohem dhe dua të theksoj se besoj thellësisht që kjo deklaratë është absolutisht e pavërtetë dhe padrejtësisht njollos imazhin e PDK-së, partisë më të madhe në koalicionin qeveritar dhe çka është më me rëndësi, ajo e njollos imazhin e Kosovës”, vazhdon Krasniqi.

Deputeti i Kuvendit të Kosovës nga radhët e LDD-së, Gani Geci, gjithashtu edhe kryetar i Komisionit Parlamentar të Inteligjencës, ka deklaruar se ky raport vetëm se i ka forcuar dyshimet se SHIK-u vazhdon të jetë funksional.






 

< Paraprake		Pasuese >