Vetëm 11 nga 27 ministra të jashtëm evropian, kanë konfirmuar praninë e tyre në samitin e Sarajevës, më 2 Qershor.

Takimi joformal i antarëve të Bashkimit Evropian dhe Ballkanit është prapsur edhe nga ideja e nxjerrjes së një deklarate të përbashkët në të cilën do t’i paraqitej udhërrëfyesi vendeve të Evropës Jug-Perëndimore se s’i ti bashkohet klubit.

Në Sarajevë do të mungojnë të ftuarit si sekretarja amerikane e shtetit Hillary Clinton dhe Ministri i Jashtëm rus Sergej Lavrov.

Nga evropianët samitin e 2 qershorit e shmangin gjermani Guido Westerwelle dhe holandezi Maxim Verhagen.

Në vend të samitit të madh, siç e kishte paramenduar Spanja, si kryesuese e radhës e Bashkimit Evropian, Sarajeva do të mbahet mend për uljen në një tavolinë të madhe të të gjithë ministrave të jashtëm të Ballkanit, thonë mediet e huaja.

Disa prej tyre, komentojnë se shkaku i zgjedhjes së formulës Gimnik për pjesëmarrje në samit, pesha e politike dhe diplomatike e takimit është ulur, meqë kjo formë është jo-obliguese dhe nënkupton vetëm këmbim pikëpamjesh. Në takim nuk do të ketë rregulla strikte ose qëllime, e as deklaratë të përbashkët.

Disa medie thonë se as fotografim të përbashkët nuk do të ketë, meqë ministrat e Kosovës dhe Serbisë do t’i shmangen kësaj. Lajmin më të mirë do ta gëzojnë Shqipëria dhe Bosnja e Hercegovina, sepse edhe pse takimi është jo-formal, të dy vendet do të gëzojnë përkrahjen zyrtare të Spanjës për liberalizim të vizave.

Organizatorët e protokollit të samitit, duket se kanë zgjidhur edhe se kush do të flet i pari në rastin e Kosovës, ministri apo shefi i UNMIK-ut. Sipas WAZ-Observer, megjithatë Lamberto Zannier do të flet para Skender Hysenit. Por fjalën ministrit kosovar, do t’ia jap homologu i tij spanjoll Migel Angel Moratinos.

< Paraprake		Pasuese >