Një shpërthim ka ndodhur pranë një shtëpie të një banori serb, pjestar i Policisë së Kosovës, në orët e hershme të mëngjesit të sotëm në në lagjen “Gjuroviq” të Zubin Potokut.

Nuk ka të plagosur.

Mësohet se mjeti shpërthyes, që besohet të jetë një granatë dore, e llojit ende të paidentifikuar që nën rrethana ende të pasqaruara ka shpërthyer pranë shtëpisë së ankuesit, ka shkaktuar dëme materiale në dy automjete private dhe dëme të vogla sipërfaqësore në muret e jashtme të shtëpisë.

Policia ka identifikuar vendin ku besohet të ketë qenë hedhur mjeti shpërthyes, ndërsa ekzaminimi i vendit të ngjarjes është në hetim, ndërkohë prokurori publik i prokurorisë së qarkut në Mitrovicë, e ka kualifikuar aktin kriminal si “shkaktim të rrezikut të përgjithshëm”.
 

< Paraprake		Pasuese >