(UPDATED)
Serbët e veriut të Mitrovicës kanë votuar më shumicë Partinë Përparimtare serbe të Tomislav Nikoliqit, ndërsa ata të Novobërdës, atë socialiste të Ivica Daçiqit.

Kjo sipas rezultateve preliminare të publikuara mbrëmë.

Sipas këtyre të dhënave, SNS ka mposhtuar në Mitrovicë, demokratët e Koshtunicës dhe ata të Tadiqit, ndërsa në Novobërdë, SPS mposhti partinë e Tadiqit dhe radikalët e Nikoliqit.

Në këto zgjedhje, të cilat nga institucionet e Kosovës dhe EULEX-i janë cilësuar si ilegale, morën pjesë rreth 27 për qind e votuesve.

Shtabi Zgjedhor i Partisë Demokratike Serbe njoftoi se sipas rezultateve të para preliminare, PSP ka fituar 17.55 për qind të votave, PDS 17.24 për qind dhe PD 16.97 për qind.

Ky shtab po ashtu bëri të ditur se partitë e koalicionit në pushtet kanë fituar numrin e mjaftueshëm të votave për të formuar qeverinë lokale në pjesën veriore të Mitrovicës.

Zgjedhjet e djeshme janë organizuar nga Serbia, ndërsa u përcollën me tensione në urën e Mitrovicës, që ndan pjesën jugore me atë veriore të qytetit.

Në përballjet midis shqiptarëve dhe serbëve nuk pati të lënduar, ndërsa situatën gjatë gjithë kohës e kanë vëzhguar dhe kontrolluar forcat vendore dhe ndërkombëtare të rendit.

< Paraprake		Pasuese >