Ndarja e Kosovës është destruktive, dhe mund të ketë pasoja serioze për rajonin. Kështu vlerëson ish-ambasadori amerikan Morton Abramoviq. Në një intervistë për radion Evropa e Lirë, ai ka thënë se Diplomacia serbe ka qenë shumë aktive dhe e suksesshme në dy vitet e fundit, duke kufizuar në masë të konsiderueshme njohjen ndërkombëtare të Kosovës, ndaj varësisht nga vendimi i Gjykatës Ndërkombëtare të Drejtësisë, ajo do të kërkojë bisedime të reja me Kosovën. Sipas tij Serbia do të përpiqet të rihapë çështjen e pavarësisë së Kosovës, duke vënë theksin në situatën që është në veri. Por, siç tha ai, ndarja e Kosovës do të ishte absolutisht shkatërrimtare për rajonin. Ai pret që Shtetet e Bashkuara dhe shumica e vendeve evropiane, t’u rezistojnë këtyre përpjekjeve, pasi që ndarja është shqetësuese dhe e njëjta mund të shkaktojë një domino efekt, pasi do të duhej të rishqyrtohet edhe ndarja e Republika Srpska në Bosnje, dhe Maqedonia si tërësi.

< Paraprake		Pasuese >