Mbi 43 mijë e 760 nënshkrime të qytetarëve të cilët kërkojnë drejtësi për vëllezërit Ramadani e Kiqina, të cilët tash e tetë vjet qëndrojnë në burg në mungesë provash, janë mbledhur për 11 ditë, në Kosovë, Tiranë dhe Londër.

Drejtues të këshillit organizativ njoftuan se peticioni “Drejtësi për vëllezërit Ramadani e Kiçina”, është bërë me qëllim të ndërprerjes së paraburgimit dhe lirimit nga akuzat me të cilat ngarkohen vëllezërit Kiçina e Ramadani.

Ata thanë se kanë arritur numrin e nënshkrimeve që mundëson futjen e rastit në Kuvendin e Kosovës, nga i cili do të kërkojnë ngritjen e një komisioni hetimor, që do të evidentonte të gjitha shkeljet procedurale dhe ligjore që janë bërë gjatë tërë procesit të gjykimit të të akuzuarve. Peticioni sipas tyre do u dërgohet edhe institucioneve ndërkombëtare.
 

< Paraprake		Pasuese >