Partia e të Gjelbërve të Kosovës ka shprehur vendosmëri të procedojë kallëzim penal kundër misionit evropian EULEX, sic kanë thënë, për cenim të integritetit, sovranitetit dhe rendit kushtetues të shtetit, nëse EULEX-i bëhet i shurdhër ndaj kërkesës së PGJK-së për korpus-delikte.

PGJK në një konferencë ka dënuar gjithashtu ashpër vizitat pa leje të zyrtarëve serbë në Kosovë dhe në përcjellje të eskortave të armatosura.

Kryetari i kësaj partie, Daut Maloku ka thënë se vizitat e fundit të zyrtarëve serbë në Kosovë, në përcjelljen e eskortave të armatosura, pa paralajmërim të EULEX-it, paraqesin veprime të koordinuara kundër sovranitetit të shtetit të Kosovës.

Maloku ka thënë se EULEX-i duhet të kërkojë menjëherë falje publike para qytetarëve të Kosovës për shkak të vizitave pa leje të zyrtarëve serbë në veri. PGJK përkrah protestën paqësore që mbahet në Mitrovicë, në organizim të shoqatave të dala nga lufta, e cila do të shprehë unitet për mbrojtjen e vlerave të luftës, sovranitetit e integritetit të shtetit të Kosovës.

< Paraprake		Pasuese >