EULEX-i ka alarmuar punëtorët e tij që të dielën, në rast se nuk kanë ndonjë angazhim në punë të mos qëndrojnë në Mitrovicë.

Siç mësohet, kjo këshillë është dhënë për shkak se atë ditë në pjesën veriore mbahen zgjedhjet serbe, ndërsa në jug do të mbahet një protestë e madhe kundër këtyre zgjedhjeve.

Arsyeja tjetër, është thënë të jetë edhe zhvillimi i ndeshjes së futbollit në jug, ku Trepça pritet të shpallet kampion dhe si pasojë mund të ketë turma njerëzish nëpër rrugë.

Klan Kosova mëson se të njëjtën gjë ka bërë edhe administrata e UNMIK-ut në veri, e cila ka tërhequr stafin e vet nga atje, dhe ka bartur veturat e veta në bazën e logjistikës së EULEX-it në pjesën jugore.
 

< Paraprake		Pasuese >