"Një shtet që ka çështje të pazgjidhura me fqinjët nuk mund të bëhet pjesë e Bashkimit Evropian". Kështu vlerësoi Ministri për Integrime i Kosovës, Besim Beqaj, duke lënë të kuptohet se Serbia nuk mund të jetë pjesë e BE-së pa zgjidhur çështjet me Kosovën.

Duke folur për ecjen e Kosovës në procesin e integrimit, Beqaj tha se janë bërë përparime të mëdha për një kohë të shkurt.

Ai u shpreh i bindur se Kosova do të jetë shumë pak mbrapa shteteve tjera rajonit në proceset integruese.
Ministri beqar u shpreh i bindur se Kosova gjatë kësaj vere do ta pranoi udhërrëfyesin e BE-së.

Beqaj pranoi se mosnjohja nga 5 shtetet e BE-së, ngadalëson proceset, por nuk pengon, pasi që sipas tij, ekziston një qëndrim unik për të ardhmen evropiane të Kosovës.

Beqar shprehu përkushtimin e Kosovës në përmbushjen e kritereve që sa më shpejt të bëhet pjesë e familjes evropiane.
 

< Paraprake		Pasuese >