Kryetari i Kuvendit të Kosovës, Jakup Krasniqi, pas kthimit nga vizita në Kuvajt, ka thënë se
Qeveria e Kosovës nuk ka kapacitetet e sigurisë të ndërtuara në atë masë sa të marrë vendime për të penguar zgjedhjet serbe.

Duke folur rreth takimit me zyrtarë të shtetit kuvajtian, kryeparlamentari Krasniqi ka thënë se ka marrë gatishmërinë e tyre për të ndihmuar vendin tonë në fusha të ndryshme, si në shëndetësi, infrastrukturë, bujqësi dhe arsim.

Gjatë qëndrimit disaditor në Kuvajt, delegacioni parlamentar i Kosovës, i kryesuar nga Jakup Krasniqi, kryetar, ka zhvilluar takime me zyrtarët më të lartë të shtetit, duke filluar nga mbreti i Kuvajtit, kryesuesi i Fondit të Kuvajtit për Zhvillim, kryeministri dhe shumë të tjerë.

Pas përfundimit të kësaj vizite, Krasniqi ka thënë se Kuvendi i Kuvajtit e ka gatishmërinë që të jetë faktor shtytës për Qeverinë me qëllim të njohjes së shtetit të pavarur të Kosovës.




 

< Paraprake		Pasuese >