Aleanca Kosova e Re, ka shprehur qëndrimin e saj në lidhje me shkeljet e vazhdueshme të integritetit dhe sovranitetit të vendit nga Qeveria e Serbisë dhe zgjedhjet lokale të paralajmëruara nga autoritet serbe në komunat serbe të Veriut të Kosovës.

Zgjedhjet në fjalë, të cilat janë paraparë të mbahen me 30 maj 2010, cënojnë integritetitn dhe sovranitetin e vendit, prandaj AKR-ja kërkon nga Qeveria e Kosovës dhe institucionet përgjegjëse ndërkombëtare, parandalimin e menjëhershëm të mbajtjeve të tyre.

Në kërkesën e tyre AKR thekson se shkelja flagrante e integritetit dhe sovranitetit të Kosoves nga zyrtarët e padëshiruar serb, humb besimin e qytetarëve të shtetit të Kosovës për Qeverinë e vendit.

Vazhdimësia e vizitave të qeveritarëve të Serbisë, rrit tensionet destabilizuese të qytetarëve të Kosovës dhe njëkohësisht sfidon të ashtuquajturën “Stategji për Veriun”, inkurajon grupet ekstremiste serbe, në veçanti në veri të vendit.

Gjithashtu Aleanca Kosova e Re, shpreh indinjatë të thellë ndaj pasivitetit dhe reagimit të vonuar të institucioneve ndërkombëtare dhe vendore në raport me vizitat e zhvilluara nga politikanët serb në Mitrovicën e Veriut. Këto vizita, i konsiderojmë si shkelje të rëndë të sovranitetit të Kosovës dhe paqëndrueshmëri të çfarëdo zbatimi të stategjisë për Veriun.
 

< Paraprake		Pasuese >