Rreth 90 kompani kanë hapur stendat e tyre me qëllim të aplikimit për punësim, në kuadër të “Berëzës së Punësimit 2010”.

Me këtë aktivitet kompanitë dhe qytetarët po shikojnë mundësitë e ndërsjella të punësimit. Kryeministri Hashim Thaçi tha se përmes aktiviteteve të tilla institucionet e vendit po synojnë uljen e papunësisë në vend dhe zhvillimin ekonomik të vendit, i cili ka kuotën më të lartë të papunësisë në Evropë, prej mbi 40 për qind.

Ndërkaq kryetari i Aleancës Kosovare të Bizneseve Agim Shahini i bëri thirrje qeverisë që të angazhohet në krijimin e vendeve të reja të punës, me qëllim zgjidhjen e problemeve sociale.
 
Berëza e punësimit u mbajt ditë më parë në Gjilan, Pejë e Prizren ndërsa do të mbyllet në Prishtinë. Numri i personave që kanë gjetur punë gjatë këtij aktiviteti do të bëhet i ditur javën e ardhshme.
 

< Paraprake		Pasuese >