Serbia nuk mund të integrohet në Bashkimin Evropian nëse nuk e njeh pavarësinë e Kosovës dhe nuk realizon një bashkëpunim të mirë me autoritetet e Prishtinës.
Ky është vlerësimi që ka dhënë për gazetën “Danas” raportuesja për Kosovën në Komisionin Evropian, Ulrike Lunaçek.

Ajo ka shtuar se synimi kryesor është integrimi në BE i të gjithë qytetarëve të Ballkanit Perëndimor, në qofshin serbë, shqiptarë apo edhe të kombësive të tjera.

E ardhmja e përbashkët e Serbisë dhe Kosovës në BE është zgjidhja më e mirë, ka thënë Lunaçek.

Duke folur për rezolutën e propozuar nga ajo në Parlamentin Evropian, me të cilën u bëhet thirrje të gjitha shteteve anëtare të BE-së që ta njohin pavarësinë e Kosovës, Lunaçek tha se është e domosdoshme një politikë e fuqishme e përbashkët e BE-së që të gjitha shtetet anëtare të kenë pozicion të njëjtë.

"Pavarësia e Kosovës sot është de fakto një realitet, andaj sipas mendimit tim, nuk ka kuptim të kthehemi prapa dhe të dusktojmë për këtë realitet sërish dhe nga e para", ka shtuar Lunaçek.
 

< Paraprake		Pasuese >