Përveç mbështetjes politike, PDK-ja ka vendosur ta mbështesë edhe financiarisht, nënkryetarin e parë të PDK-së, për të cilin hetues të EULEX-it, kanë ngritë dyshime për keqpërdorime si ministër i Transporteve.

Nait Hasani, anëtar i Kryesisë së PDK-së, i ka thënë gazetës “Kohës Ditore”, se xhirollogaria e Fondit Limaj është publike, dhe paratë e mbledhura do të përdoren për të gjitha procedurat që kanë të bëjnë me mbrojtjen e Limajt. Ky fond, sipas Hasnait, po mbështetet nga simpatizantë dhe aktivistë të PDK-së.

Ndryshe Limaj, ka angazhuar edhe një ekip të fuqishëm avokatësh ndërkombëtar, në mesin e të cilëve është edhe Karim Khan, i cili ka mbrojtur ministrin edhe në Tribunalin e Hagës. Pjesë e ekipit mbrojtës të Limajt, është edhe avokati kosovar, Tomë Gashi.

< Paraprake		Pasuese >