SHIK-u funksionon dhe brenda viti inkason 200 milion Euro. Kështu thuhet në një raport të publikuar nga Komitetit Kombëtar të Politikës së Jashtme Amerikane (NCFAP), ku thuhet se SHIK-u është strukturë e inteligjencës nëntokësore të PDK-së dhe brenda vitit merr miliona dollarë nëpërmjet ryshfetit, grabitjeve dhe shantazhit.

Aty thuhet se kjo strukturë është një lidhje kriminale mes shqiptarëve dhe bandave serbe si dhe rrjete të tjera kriminale transnacionale.

Ndërkohë, zyrtarët e PDK-së nuk kanë dashur të komentonin, siç thotë Koha ditore, lidhur me vlerësimin e paraqitur në këtë raport.

Dy nënkryetarët e kësaj partie zv.kryeministri Hajredin Kuçi, si dhe kryetari i Komisionit Parlamentar të Punëve të Brendshme dhe Sigurisë, Rrustem Mustafa, kanë deklaruar se nuk e kanë parë raportin dhe nuk mund të japin komente.

Por deputeti i Kuvendit të Kosovës nga radhët e LDD-së, Gani Geci, i cili njëherësh është kryetar i Komisionit Parlamentar të Inteligjencës, ka deklaruar se ky raport vetëm se i ka forcuar dyshimet se SHIK-u vazhdon të jetë funksional.
 

< Paraprake		Pasuese >