Parlamenti Studentor i Universitetit të Prishtinës organizon sot në orën 12.00 një protestë me moton “Drejtësi për vëllezërit Ramadani dhe Kiqina”.

Protesta do të mbahet kundër mbajtjes në burg të Ish-luftëtarëvë të UÇK-së, Arsim Ramadani, Burim Ramadani, Arben Kiçina dhe Ramadan Kiçina të cilët, siç thonë organizatorët, në mungesë provash ndodhen prej tetë vitesh në burg për rastin Hajra.

Protesta do të fillojë para Fakultetit Filologjik, për të vazhduar drejt Gjykatës Supreme të Kosovës ku do të parashtrohen kërkesat për një gjykim të drejtë dhe të paanshëm.

Në një konferencë për media të mërkurën, kryetari i PS të UP-së, Arbër Kuçi, ka thënë se kërkojnë gjykim të drejtë dhe të paanshëm në rastin “Kiçina”, duke pasur në konsideratë kontributin për liri dhe pavarësi që kanë dhënë vëllezërit Ramadani dhe Kiçina.
 

< Paraprake		Pasuese >