Është arrestuar edhe personi i gjashtë i dyshuar për falsifikimin e 130 mijë Eurove në një operacion të gjerë që është zhvilluar në Gjakovë dhe në Mitrovicë.

Arrestimi i B.SH.-së ka ndodhur të enjten pasdite dhe me urdhër të Prokurorisë Publike të Qarkut në Pejë, i është caktuar masa e ndalimit prej 48 orësh.

Personat e tjerë të arrestuar për falsifikim parash dhe shfrytëzim të paautorizuar të armës janë pesë shtetas të Kosovës P. F. Klinë, M. M. Gjakovë, K. N. Klinë, A. I. Mitrovicë, D. R. Mitrovicë dhe B.SH. Sllatinë, komuna e Prishtinës.

Gjatë kontrollit policor, tek njëri prej të dyshuarve policia ka gjetur armën “Zastava Ekol Tuna” me dy karikatorë dhe tre fishekë të kalibrit 8 milimetra.


 

< Paraprake		Pasuese >