Gazeta nga Beogradi "Vecernje novosti", e cila u referohet burimeve të mirinformuara diplomatike”, shkruan se Ministri i Jashtëm Bernard Kushner po përpiqet që në takimin e ardhshëm të nivelit të lartë Francë-Afrikë në Nicë, që mbahen në Qershor, të diskutojë edhe çështjen e njohjeve të reja të Kosovës.

Për më tepër, kjo e përditshme thotë se Parisi po sheh mundësitë për të ftuar Ministrin e Jashtëm të Kosovës Skender Hyseni, e më pas Sejdiun apo Thaçin për të biseduar në lidhje me këtë çështje.

Raporti thotë se Kushner po ushtron trysni 18 vendeve të Afrikës që të njohin Kosovën. Deri tani, një gjë të tillë e kanë bërë vetëm 11 nga 42 shtetet e këtij kontinenti. 

"Novosti" thotë se për një gjë të tillë është ndarë edhe buxheti. Për më teper, gazeta shkruan se Arabia Saudite po e bën të njëjtën gjë në vendet islamike, Britania e Madhe në vendet Karaibe kurse SHBA-ja në ato të Amerikës Latine.
 

< Paraprake		Pasuese >