Derisa të nxirret Ligji i ri i prokurimit publik, nënshkrimi i kontratave publike do të bëhet sipas udhëzimit administrativ të miratuar të mërkurën nga ekzekutivi i vendit, i cili parasheh që përveç shefit të prokurimit, kontratat në vlerë mbi 10 mijë euro t’i nënshkruajnë edhe sekretari i përhershëm dhe vetë ministri.

Sipas kryeministrit Hashim Thaçi ky udhëzim është një pjesë e rëndësishme e reformës në prokurimin publik që del edhe nga raporti i progresit, por edhe masë dhe preventivë direkte në luftën antikorrupsion.

Në mbledhjen e sotme qeveria miratoi edhe Projektligjin për ndryshimin dhe plotësimin e Ligjit për dokumentet e udhëtimit, i cili sipas ministrit Bajram Rexhepi i hap rrugë pasaportave biometrike. Të mërkurën u dha edhe një lajm i mirë për shërbyesit civil, të cilëve qeveria ka vendosur që t’iu ngrit pagat.

Ministri Ahmet Shala tha se rritja prej 40 eurove, është e paraparë për muajt e mbetur të këtij viti, meqë është siguruar buxheti prej 5 milion euro. Zbatimi i plotë i ligjit të punës, u tha se do të fillojë nga 1 janari 2011.
 

< Paraprake		Pasuese >