Shumica e ministrave të jashtëm të vendeve evropianë kanë konfirmuar pjesëmarrjen së samitin joformal të BE-së për Ballkanin Perëndimor, që mbahet më 2 Qershor në Sarajevë, raporton e përditshmja boshnjake Dnevni Avaz.

Kjo gjë, sipas kësaj gazete, e bën takimin një ngjarje të respektueshme. Ardhjen në Sarajevë e kanë konfirmuar edhe kryediplomatja evropiane Ketrin Eshton dhe komisionari për zgjerim, Shtefan Fyle.

Këta të dy, bashkë me ministrin e jashtëm spanjoll, Migel Anhel Moratinos dhe homologun e tij boshnjak Sven Alkalaj, do të mbajnë edhe konferencë shtypi, pas përfundimit të punimeve.

Avaz raporton se në samit pritet të marrin pjesë edhe kryediplomatët e vendeve të rajonit, duke përfshirë edhe Skender Hysenin e Kosovës dhe Vuk jeremiqin e Serbisë.
 

< Paraprake		Pasuese >