Ministria e Ekonomisë dhe Financave, është kundër rekomandimeve të bëra nga shefi i ICO-së Piter Feith, që mos të kthehen paratë e investuara jashtë vendit.

Ajo që raportoi Klan Kosova, se Piter Feith i ka kërkuar ministrit Shala që paratë e investuara jashtë Kosovës, nuk bën që të kthehen, doli të jetë e vërtetë.

Por, siç bën të ditur e përditshmja Koha Ditore, Ministri i Ekonomisë dhe Financave Ahmet Shala, i ka thënë Feith-it se paratë duhet të kthehen në vend, pasi do t’i kontribuonte rritjes ekonomike të vendit.

Gazeta citon Shalën t’i ketë thënë Feithit se, shuma prej më shumë se 750 milion eurove, është e investuar me një përqindje të vogël të fitimit dhe se një kthim i tyre ne vend, në investime të reja, do të ishte hap i mirë për rritjen e ekonomisë.

E në Bankën Qendrore të Kosovës thonë se Bordi i AKP-së pritet të vendosë për kthimin e parave. Sipas zyrtarëve të BQK-së, AKP-ja vendos se a duhet të mbahen paratë ne Bankën Qendrore, apo të vendosen diku tjetër.  

< Paraprake		Pasuese >