"Nga sot Misioni Evropian, do të shtrëngojë kufirin verior të vendit, ndërsa hyrja e politikanëve nga Beogradi, do të jetë pothuajse e pamundur pa leje".

Kështu ka thënë Ministri i Punëve të Brendshme të Kosovës, Bajram Rexhepi gjatë një interviste në emisionin Ora e Pasdites.

Sipas tij, pala kosovare nuk ka përgjegjësi për dy portat veriore, 1 dhe 31, në Leposaviq dhe Zubin Potok, meqë ajo kurrë nuk i është kaluar nga UNMIK-u, e as nga EULEX-i.

Garanci për këtë regjim të ri, ai thotë t’i jetë ofruar Prishtinës zyrtare nga vetë komandanti i operacioneve civile të Bashkimit Evropian, Kees Klompenhouwer.

Kjo përgjigje ndërkaq vjen pas disa vizitave të palejuara të zyrtarëve të lartë serb, në veri të Mitrovicës, përfshirë ish-kryeministrin Vojisllav Koshtunica dhe kryetarit të Partisë Përparimtare Serbe, Tomisllav Nikolliq.

< Paraprake		Pasuese >