Një lëndë shpërthyese ka plasur mbrëmë rreth orës dy pas mesnatës në lagjen Dardania përbri postës së madhe në Prishtinë.

Ndërkohë sulmuesit kishin hedhur edhe një bombë dore e cila nuk kishte shpërthyer.

Policia kosovare nuk ka mundur të largoj këtë bombë. Në ndihmë u ka ardhur njësit e KFOR-it, të specializuara për raste të tilla, të cilat rreth orës 11.30 kanë larguar atë.

Të lënduar nga shpërthimi i lëndës plasëse nuk ka pasur ndërsa edhe dëmet materiale kanë qenë minimale.

Policia nuk ka dhënë informata se ndaj kujt është hedhur bomba dhe lënda shpërthyese.
 

< Paraprake		Pasuese >