Lista me emrat e të kërkuarve për vepra penale, nga shteti maqedonas, të cilët fshihen në Kosovë, ende nuk i është dorëzuar zyrtarisht autoriteteve kosovare.

Këtë e ka konfirmuar Ministri i Brendshëm i Kosovës Bajram Rexhepi, pasi një listë e tillë është prezantuar në mediat maqedonase.

Ai ka shtuar se vetëm gojarisht është prezantuar lista e individëve të cilët kanë kryer vepra të caktuara kriminale.

Ministri Rexhepi ka siguruar se në Kosovë nuk ka dëshmi që ekziston ndonjë grup terrorist që mund të shkaktojë ndonjë incident të madh rajonal.

Por, ka thënë se grupe kriminale ka edhe në Kosovë, siç ka edhe në Maqedoni dhe rajon.

“Ne jemi të interesuar që të arrestojmë çfarëdo grupi që kryen veprime ilegale”, ka theksuar Rexhepi.

 

< Paraprake		Pasuese >