Komandanti i NATO-s, admirali James Stavridis, tha se shpreson për reduktime të mëtejshme këtë vit, të trupave në Kosovë nga 15 mijë në 10 mijë, sipas tij, në sajë të përmirësimit të gjendjes së sigurisë.

Stavridis nuk përjashtoi mundësinë e reduktimeve edhe më të mëdha, duke thënë se numri i tyre deri në fund të vitit mund të arrijë deri në 5 mijë trupa.

Stavridis i bëri këto komente në një mbledhje në Këshillin Atlantik në Uashington, ku bashkë me ish - sekretaren e Shtetit, Madeleine Albright diskutuan ardhmërinë e aleancës.

Sipas rezolutës 1244 të Këshillit të Sigurimit, NATO u ngarkua me detyrë që të mundësojë sigurinë në Kosovë pas luftës dhe bombardimeve 78-ditësh kundër Serbisë.
 

< Paraprake		Pasuese >