Punëtorët e Industrisë së Duhanit në Gjilan , për më shumë se një orë protestuan të mërkurën , para Agjencisë Kosovare të Privatizimit, në Prishtinë.

Protestuesit kërkuan të rikthehen ne vendet e punës, në Industrinë e Duhanit në Gjilan.

Xhelal Mustafa përfaqësues i sindikatës së kësaj ndërmarrjeje, tha se ka marrë premtime nga AKP-ja se do të punohet më shumë, në mënyrë që të përshpejtohet nxjerrja e vendimit për Industrinë e Duhanit në Gjilan.

Ndryshe, kjo Industri në vitin 2006, është privatizuar nga Spinof Special. Që nga privatizimi i saj, më shumë se 200 punëtorë kanë mbetur pa punë.
 

< Paraprake		Pasuese >