Kur flet para ekonomistëve, dyshon në aftësitë e veta për këtë fushë.  Çdo gabim eventual gjatë analizave të këtilla, tha se ia atribuon gruas së tij-ish zyrtare e Bankës Botërore të cilën e konsulton shpesh.

Me ose pa leksionet e bashkëshortes, ambasadori amerikan në Kosovë Kristofer Dell dha vlerësim goxha pozitiv në një koment për prosecin e koncesionimit të Aeroportit të Ndërkombëtar të Prishtinës.

Të kota sipas tij, janë pohimet e atyre që dyshojnë në këtë proces dhe mundohen t’i vejnë atij një hije të errët.

Një arsye pse Dell jep notë maksimale, këtij procesi është mospërfshirja e politikës dhe politikanëve në këtë vendim.

Ai tha se ekzekutivi e mbanë pronësinë e plotë mbi asetet e Aeroportit dhe se Kosova fiton përafërsisht 450 milionë eurove gjatë kohëzgjatjes së kontratës, e kjo gjë, sipas numrit një të amerikës në Kosovës është një arritje për të cilën Qeveria duhet të urohet.

E ardhmja ekonomike e vendit, thotë Dell, varet me të madhe nga aftësia e tij për të tërhequr investime afatgjata në infrastrukturën dhe shërbimet publike, dhe ky projekt i ka treguar botës se Kosova është e aftë të veprojë me përgjegjësi, transparencë, dhe profesionalizëm.

E gjithë kjo, sipas ambasadorit amerikan, duhet të lajmërohet si një arritje monumentale, dhe si votëbesim për qeverinë dhe sistemin ligjor të shtetit.

Po ashtu, duke hequr dyshimet e skeptikëve, Dell ka thënë se procesi i prokurimit që çoi te dhënia e kësaj kontrate duhet të lëvdohet për transparencën e tij dhe menaxhimin profesional.

Pos tjerash, Koncesionimi i Aeroportit, siç thotë ambasadori, hoqi dyshimet tek skeptikët se Kosova nuk është vend që të tërheqë investime të respektueshme afatgjata.

“Qeveria e Kosovës dhe konzorciumi fitues duhet të përgëzohen”, përfundon komenti i Ambasadorit Amerikan.

 

< Paraprake		Pasuese >