Vetëm 20 metra larg lagjes “Apollonia” në Fushë Kosovë, po ndërtohet një fabrikë betoni.

Kjo ka revoltuar banorët, të cilën nënshkruan një peticion e cila fillimisht u dorëzua në komunën e fushë Kosovës, e më pas në Ministrinë e Ambientit dhe Planifikimit Hapësinor.

Në komunën e Fushë-Kosovës thonë se do të bëjnë gjithçka për të mbrojtur banorët e tyre.

Por, vendi ku po ndërtohet fabrika, i bie të jetë në territorin e komunës së Prishtinës.

Mirëpo, edhe zyrtar nga komuna e Prishtinës, thonë se aty po bëhet ndërtim pa leje, dhe se puna është ndërprerë.

Ndërsa, pronari i firmës ndërtuese “Al Trade”, përmes telefonit tha se aty do të ndërtohet një qendër tregtare, dhe se fabrika e betonit është e tipit mobile, që sipas tij nuk i pengon askujt dhe mund të ndërtohet edhe në qendër të qytetit.

Ai pranon se nuk posedon leje ndërtimi as për fabrikën e as për qendër tregtare, por thotë se për një gjë të tillë ka aplikuar në organet komunale dhe se rasti është në shqyrtim.

Banorët e lagjes, paralajmërojnë masa të tjera nëse nuk ndërpritet puna e ndërtimit të fabrikës së betonit.

Thonë se peticionin do ta dorëzojnë ne EULEX, dhe se do të protestojnë e do të bllokojnë rrugën.
 

< Paraprake		Pasuese >